【紀錄港共打壓人權 報告上聯合國‼️】
國際戰線打得如火如荼，除左大家日常既Twitter戰線以外，亦有賴不同既民間團體持續進行既遊說工作，以及向國際組織遞交報告，將港府違反人權既案例反映到國際社會。職工盟係6月1號向聯合國人權理事會(Human Rights Council)遞交報告，提出香港係過去5年《公民權利和政治權利國際公約》(ICCPR)既實現情況，並集中講勞工權利的狀況。
我地主要指出左香港近年觸犯公約第19、21及22條既案例，例如公約第19條保障每名公民都應該有自由發表意見既權利(freedom of expression)，但前港龍航空空勤人員協會主席施安娜，就因為自已係個人社交媒體發表既帖文而遭到解僱，而中國民航局甚至推出新規定，規限飛內地航班機組人員既社交媒體既使用情況，明顯干犯公約提及既表達權。
而第21條則指出公民和平集會(freedom of assembly)既權利，我地歸納左過去數年政府對工會集會權既打壓，例如警方武力驅散參與八五罷工集會既民眾，以及及拘捕工會領袖李卓人。甚至藉疫情之名，濫用《預防及控制疾病條例》，拒批五一勞動節既遊行，又多番透過恫嚇、包圍既手段打壓工會街站。
港府對第22條自由結社權(freedom of association)最明顯既打壓，就係以人手不足為名，拖延新工會申請既進度。除此以外，我地亦概括醫管局恫嚇罷工醫護、打壓地盤街站及拘捕工作幹事既事，指出香港既勞工權利正響起警號。 係報告既最後，我地再次強調即將係香港實施既國安法，會進一步蠶蝕香港人既基本權利，剝奪我地既人身自由，並呼籲國際社會持續對香港人權問題既關注。
閱讀報告全文(Info from Civil Society Organizations (for LOIs) submitted by Hong Kong Confederation of Trade Unions): https://tbinternet.ohchr.org/…/treaty…/SessionDetails1.aspx…
Search